Երեկ, Էներգետիկայի նախարար Արմեն Մովսիսյանը , Ազգային ժողով-կառավարություն հարցուպատասխանի ժամանակ պատասխանելով ՀՀԿ-ից Լեւոն Մարտիրոսյանի , իսկ ԱԺ միջանցքումՙ լրագրողների հարցերին, Հայաստան մուտք գործող ռուսական գազի գնի հետ կապված հետաքրքական մանրամասներ հաղորդեց: Երբ Հայաստանը միանա Մաքսային միությանը, գազի գինը հաշվարկվելու է 1000 խմ գազի դիմաց 189 դոլար: Սա այն գինն է, որ ստացվել է գազը թանկացումից հետո 30 տոկոսով սուբսիդավորելու վերաբերյալ հայկական եւ ռուսական կողմերի բանակցությունների ընթացքում: Այդ բանակցությունները եղել են մինչեւ այն պահը, երբ որոշվել է միանալ Մաքսային միությանը: Այս պահին գազի մուտքը սահմանի վրա ֆիքսված է 1000 խմ-ը 270 դոլարով: Իսկ մինչեւ Մաքսային միություն մուտք գործելը ՌԴ Պետդուման պետք է որոշում ընդունի 30 տոկոս սուբսիդավորման վերաբերյալ, ու այս պահին հայթայթվում են սուբսիդավորման համար անհրաժեշտ գումարները: Իսկ Մաքսային միությանն անդամակցելը նախարարը դրական է համարում, հատկապես էներգակիրների` Ռուսաստանից ներկրվելու հանգամանքը նկատի ունենալով:
Վերջին լուրեր
Թոշակառուներն են էս երկիրը ստեղծել, հիմա նրանց ասում եք ընդամենը 30 տոկոս զեղչով ավտոբուս նստե՞ք
Երևանը մեկ շնչին ընկնող ՀՆԱ-ի ծավալով կարող է համեմատվել ԱՊՀ երրների հետ։ Տնտեսագետ, «Հայաքվե» նախաձեռնության ներկայացուցիչ Հրայր Կամենդատյանը համեմատական վերլուծությամբ...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական