Լոնդոնում Ռուսաստանի դեսպան Անդրեյ Կելինը կանչվել է Մեծ Բրիտանիայի արտաքին գործերի նախարարություն այն բանից հետո, երբ Լոնդոնը պատժամիջոցներ է սահմանել Անվտանգության Դաշնային Ծառայության հետ կապված Callisto հաքերային խմբի երկու անդամների նկատմամբ։
«Միացյալ Թագավորությունը և նրա դաշնակիցներն այսօր բացահայտեցին ռուսական հետախուզական ծառայությունների մի շարք կիբեր գործողությունների փորձեր՝ ուղղված բրիտանական բարձրաստիճան անձանց և կազմակերպություններին »,- ասվում է ԱԳՆ հայտարարության մեջ, որն ավելի վաղ հայտարարել էր Callisto հաքերային խմբի երկու անդամների նկատմամբ պատժամիջոցների մասին, որոնք հայտնի են նաև Seaborgium, Star Blizzard և Cold River անուններով և կապված են FSBի հետ։
«Արտաքին, Համագործակցության և միջազգային զարգացման գրասենյակը նաև կանչել է Ռուսաստանի դեսպանին՝ խոր մտահոգություն հայտնելու Ռուսաստանի՝ Միացյալ Թագավորությունում և նրա սահմաններից դուրս ժողովրդավարական գործընթացներին միջամտելու համար կիբեր հնարավորություններն օգտագործելու փորձերի կապակցությամբ», – ասվում է Մեծ Բրիտանիայի ԱԳՆ հայտարարության մեջ:
