Հոկտեմբերի 11-ին Բուլղարիայի եւ 15-ին Իտալիայի հավաքականների հետ կայանալիք ընտրական մրցախաղերին պատշաճ ձեւով նախապատրաստվելու նպատակով բարձրագույն խմբի առաջնության 8-րդ տուրի հանդիպումները հետաձգվել են: Այդ խաղերը նախատեսված էին հոկտեմբերի 5-ին եւ 6-ին:
7-րդ տուրի «Գանձասար»-«Ուլիս» հանդիպումը սեպտեմբերի 29-ի փոխարեն կկայանա 2 օր շուտ: Փոփոխվել են նաեւ առաջնության հանդիպումների անցկացման ժամերը: Սեպտեմբերի 28-ից խաղերը կսկսվեն ժամը 15-ին, բացառությամբ «Հանրապետական», «Հրազդան» եւ ֆուտբոլի ակադեմիայի մարզադաշտերում անցկացվելիք հանդիպումների, որոնց սկիզբը ժամը 18-ին է:
