Տաշքենդում ընթացող շախմատի կանանց Գրան պրիի խաղարկության 7-րդ տուրում Էլինա Դանիելյանը վերջապես ճաշակեց հաղթանակի բերկրանքըՙ պարտության մատնելով Չժաո Սյուեին: Այդ հաղթանակի շնորհիվ Էլինան վաստակեց 2,5 միավոր եւ տեղափոխվեց 10-րդ հորիզոնական:
7-րդ տուրն անվանեց մրցաշարի միանձնյա առաջատարին: Հաղթելով Նաֆիսա Մումինովային, Համպի Կոներուն 5,5 միավորով գլխավորեց աղյուսակը: 5-ական միավորով նրան հետապնդում են Կատերինա Լահնոն եւ Հարիկա Դրոնավալին: Նրանց մրցավեճն ավարտվեց ոչ-ոքի: 4-ական միավոր ունեն Բելա Խոթենաշվիլին եւ Ցզյույ Վենցզյունը: Նրանց մրցավեճում հաղթեց չինացի շախմատիստուհին: Օլգա Գիրյան պարտության մատնեց Գուլիսխան Նախբաեւային, իսկ Ստեֆանովա-Կոստենյուկ մրցախաղն ավարտվեց ոչ-ոքի:
8-րդ տուրում Էլինա Դանիելյանը սպիտակներով կխաղա Բելա Խոթենաշվիլու հետ:
