ՀՐԱՅՐ ՀՈՎՆԱՆՅԱՆ
Ամերիկայի Հայկական համագումարը, արձագանքելով տարաբնույթ կարծիքներին` Հայաստանի Հանրապետության անկախությանը նվիրված Նունե Եսայանի տոնական համերգի վերաբերյալ, իր խորին շնորհակալությունն է հայտնում երգչուհուն իր կատարած հսկայածավալ, հայրենասիրական ոգով լի, ժամանակակից պահանջներին համապատասխանող, բարձրաճաշակ աշխատանքի համար:
Աշխարհի բոլոր ծայրերից ժամանած հյուրերի կարծիքով չափազանց գրագետ եւ բացարձակ տրամաբանական էր թե երգերի ընտրությունը, թե մատուցման որակն ու կառուցվածքը, թե գեղարվեստական ձեւավորումը:
Հայկական երգի հզոր հնչյունների ուղեկցությամբ անցանք մեր պատմության էջերով` ամենադառը օրերից մինչեւ փայլուն հաղթանակներ:
Հովանավորելով հայրենասիրական այս յուրօրինակ համախմբման կոչը, Ամերիկայի Հայկական համագումարը հույս է հայտնում, որ այն կծառայի իր վեհ գաղափարին:
Հոգաբարձուների խորհրդի նախագահ`
