Եթե Ադրբեջանին անկլավներ տանք, նրանք այդ հատվածներում միջանցք են պահանջելու. Գալիչյան

Ադրբեջանի նախագահ Իլհամ Ալիևն ասել է, որ ճանաչում է Հայաստանի տարածքային ամբողջականությունը, բայց չի նշել տարածքի չափը։ 2021 թվականից մինչ այսօր Ալիևը Հայաստանի ինքնավար տարածքներից 200 քկմ է գրավել։ Մինչև նա չհեռանա Հայաստանի ինքնիշխան տարածքներից, Հայաստանի տարածքային ամբողջականության ու ինքնիշխանության ճանաչման մասին խոսք լինել չի կարող. նշում է քարտեզագետ Ռուբեն Գալիչյանը։

Ադրբեջանցի զինվորների ձեռքին կան կեղծ քարտեզներ, որոնք վավերացված չեն, բայց նրանք շարժվում են այդ քարտեզներով, ըստ որոնց՝ Սև լճերի ոչ թե մի մասը,  այլ ամբողջ տարածքն օկուպացված է։

Եթե Ադրբեջանը դուրս չի գալիս Հայաստանի տարածքներից, ինչպե՞ս կարող ենք մտածել բանակցությունների հետագա ընթացքի մասին. զարմանում է Գալիչյանը։

Ադրբեջանն իր անկախության 2-րդ հոդվածում նշում է, որ իրենք ժառանգն են 1918-20 թվականների Ադրբեջանի։ Իսկ այդ ժամանակ նրա տարածքում «անկլավներ» չեն եղել, չի եղել նաև Նախիջևանը։

1926 թվականի քարտեզում ոչ մի «անկլավ» գոյություն չունի։

Եթե ավելի ուշ շրջանի քարտեզներ ենք մատնանշում, Ադրբեջանը Հայաստանի տարածքում ունի ոչ թե 7 կամ 8, այլ 3 անկլավ, իսկ Հայաստանը՝ մեկ՝ Արծվաշենը։

3 անկլաների տարածքը 45 քկմ է, իսկ միայն Արծվաշենինը՝ 44 քկմ։

Հայաստանում գտնվող ադրբեջանական անկլավները մայրուղիների, ռազմավարական նշանակության հատվածներում են, իսկ հայկական անկլավները ռազմավարական ոչ մի նշանակություն չունեն։ Սովետական իշխանությունները հատուկ են այսպես արել՝ մեր տարածքի հենց այն հատվածներն են տվել Ադրբեջանին, որոնք շատ մեծ դեր ունեն։  Սա նշանակում է, որ երբ Հայաստանի տարածքում ադրբեջանական անկլավները տանք, նրանք միջանցք են պահանջելու, որպեսզի իրենց տարածքները անկլավների միջոցով միացնեն։

Մանրամասները՝ տեսանյութում.