Այսօր Գերմանիայի Օլդենբուրգ քաղաքում 2-րդ միջինքաշային կարգում WBO-ի վարկածով աշխարհի նախկին չեմպիոն Արթուր Աբրահամը կմենամարտի իտալացի Ջիովանի դե Կարոլիսի հետ:
Արթուր Աբրահամը վստահ է իր ուժերին. «Լավ է, որ վերադարձա Օլդենբուրգ: Այստեղ եմ առաջին անգամ անցկացրել աշխարհի չեմպիոնի տիտղոսի պաշտպանությունը: Մարդիկ այստեղ միշտ ուրախ են լավ մենամարտ դիտելու: Պատրաստվում եմ նրանց լավ բռնցքամարտ ներկայացնել: Որեւէ մենամարտ հեշտ զբոսանք չէ բռնցքամարտիկի համար: Ես չեմ թերագնահատում Կարոլիսին, սակայն հաղթելու եմ նրան»:
Աբրահամ-Կարոլիս մենամարտը ցուցադրվելու է գերմանական ARD հեռուստաալիքով, ինչպես նաեւ Հայաստանի հանրային հեռուստաընկերության ուղիղ եթերում:
Ջիովանի դե Կարոլիսը 20 մենամարտերում հաղթել է, 4-ում պարտվել է: Արթուր Աբրահամը 37 հաղթանակ է տոնել պրոֆեսիոնալ ռինգում, 4-ում պարտվել է, մեկն ավարտել է ոչ-ոքի:
