Այս օրերին տարբեր լրատվամիջոցներ կազմել են ֆուտբոլի աշխարհի 2014-ի առաջնության չմեկնող ֆուտբոլիստների խորհրդանշական հավաքականը: ՀՀ հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանն ընդգրկվել է 101greatgoals-ի եւ ESPN-ի կազմած տարբերակներում:
1-ին տարբերակում խորհրդանշական հավաքականի կազմն այսպիսին է. Պետր Չեխ (Չեխիա, «Չելսի»), Դավիթ Ալաբա (Ավստրիա, «Բավարիա»), Նեւեն Սուբոտիչ (Սերբիա, «Բորուսիա» Դ.), Դանիել Ագեր (Դանիա, «Լիվերպուլ»), Բրանիսլավ Իվանովիչ (Սերբիա, «Չելսի»), Հենրիխ Մխիթարյան (Հայաստան, «Բորուսիա» Դ.), Աարոն Ռեմզի (Ուելս, «Արսենալ»), Գարեթ Բեյլ (Ուելս, «Ռեալ» Մ.), Մոհամեդ Աբուտրիկա (Եգիպտոս, «Բանի»), Ռոբերտ Լեւանդովսկի (Լեհաստան, «Բորուսիա» Դ.), Զլատան Իբրահիմովիչ (Շվեդիա, ՊՍԺ):
2-րդ տարբերակում միայն 2 փոփոխություն կա 1-ի համեմատ: Աարոն Ռեմզիի եւ Մոհամեդ Աբուտրիկայի փոխարեն խորհրդանշական հավաքականում ընդգրկվել են «Ատլետիկոյի» թուրք խաղացող Արդա Թուրանը եւ «Նապոլիի» սլովակ կիսապաշտպան Համշիկը:
