Թուրքիայի արտաքին գործերի նախարար Ահմեդ Դավութօղլուն, ով վերջին մի քանի օրերին հանդես է գալիս, իր խոսքով` հայ-թուրքական հարաբերությունները նորմալացնելուն ուղղված քայլերով, այդ մասին արած հայտարարություններում հնչեցրած նախապայմաններին հավելել է «պատմական հանձնաժողովի» պայմանը եւս:
Ինչպես հաղորդում է «Արմենպրես»-ը` վկայակոչելով «Անատոլու» լրատվական գործակալությանը, թուրքական խորհրդարանում բյուջետային հանձնաժողովի նիստում ունեցած ելույթում Դավութօղլուն հայտարարել է, որ շարունակելու են թուրք-հայկական հարաբերությունները նորմալացնելու եւ Հայաստանի հետ ստորագրված արձանագրությունների շրջանակում «համատեղ պատմական հանձնաժողովի ներառմամբ» զուգահեռ քայլեր կատարելու աշխատանքները:
