Ալեքսանդր Սպենդիարյանի անվան օպերայի եւ բալետի ազգային թատրոնում օգոստոսի 6-ին բեմ կբարձրանա Ջակոմո Պուչինիի վերջին գլուխգործոցը` «Տուրանդոտ» օպերան՝ նշանավոր սոպրանո, Հայաստանի վաստակավոր արտիստ Անահիտ Մխիթարյանի գլխավոր դերակատարմամբ: Հայաստանյան և աշխարհի նշանավոր բեմերի հանդիսատեսի հիշողություններում անջնջելի են երգչուհու անզուգական երգեցողությունը, փայլուն խաղն ու առինքնող կերպարները:
Այս բեմելը առանձնահատուկ է, քանի որ Անահիտ Մխիթարյանն առաջին անգամ է անդրադառնում «Տուրանդոտին»։ Նրա հետ այդ օրը Կալաֆի դերում հանդես կգա Իտալիայում գլխավոր դերերգերով հանդես եկած տենոր Հայկ Վարդանյանը։
«Տուրանդոտ» օպերայի համաշխարհային պրեմիերան տեղի է ունեցել 1926 թվականին Միլանի Լա Սկալայում։
Հայաստանում «Տուրանդոտ» օպերան բեմադրվում է առաջին անգամ։
Ռեժիսորը Վ. Ստարոդուբցևն է, նկարիչը՝ Մարիինյան թատրոնի դիզայներ Պ. Օկունևը, իսկ հագուստները պատրաստել է «Գաբաջյան նորաձևության տունը»:
Ներկայացնան գեղարվեստական ղեկավարը և դիրիժորը Կարեն Դուրգարյան է:
