Հնդկաստանում շարունակվող շախմատի մրցաշարի 5-րդ տուրը հաջող էր հայ շախմատիստների համար: Լեւոն Բաբուջյանը հաղթեց Միխայիլ Մոժարովին եւ 4 միավորով զբաղեցրեց 5-րդ տեղը: Նա ընդամենը կես միավոր է զիջում աղյուսակը գլխավորող ուկրաինացի Վլադիսլավ Բորովիկովին եւ հնդիկ Սետուրամանին:
Սամվել Տեր-Սահակյանը ոչ-ոքի խաղաց Սվամինաթան Սումիայի հետ եւ 3,5 միավորով 14-րդ տեղում է: Նույնքան միավոր ունեն նաեւ Հովիկ Հայրապետյանն ու Տիգրան Ս. Պետրոսյանը: Հովիկը հաշտություն կնքեց Պոնուսվաի Կոնգուվելի հետ, Տիգրանը հաղթեց Ռայ Մանանին: 2,5 միավոր է վաստակել Վահե Բաղդասարյանըՙ ոչ-ոքի խաղալով Վիգնեշի հետ: 2-րդ անընդմեջ հաղթանակը տոնեց Մարիա Գեւորգյանը, որի մրցակիցը Վարշինին էր:
