Ադրբեջանի նախագահ Իլհամ Ալիևը հարցազրույց է տվել China Media Group-ին։
Նշելով, որ բանակցություններն արդեն մի քանի անգամ անցկացվել են և դրանք կշարունակվեն` նա ընդգծել է. «Այս համաձայնագրի միակ հիմնական տարաձայնությունը հենց այն էր, որ իմ նախկինում ասած հայտարարությունը Ղարաբաղի մասին, որ այն պետք է լինի Ադրբեջանի կազմում, պետք է պաշտոնապես ճանաչվի Հայաստանի կողմից։
Այնպես որ, ինչպես ասացի,
Ա. Հայաստանն ասել է, որ Ղարաբաղը Ադրբեջան է։
Հիմա պետք է Բ կետը կատարի՝ ստորագրի, որ Ղարաբաղն Ադրբեջան է: Եվ դրանից հետո կարելի է համաձայնություն ձեռք բերել։ Կարծում եմ, եթե այն, ինչ ասում են նրանք (Հայաստանը-խմբ.) հերթական քաղաքական մանևրը չէ, եթե սա հին պատմության կրկնությունը չէ՝ գործընթացը ձգձգելու փորձով, ապա մենք կարող ենք խաղաղության համաձայնագիրը ստորագրել մինչև տարեվերջ։
Սա իսկապես կարեւոր աշխարհաքաղաքական գործոն կլինի, որը վերջ կդնի երկարատեւ առճակատմանը, իրական խաղաղություն կստեղծի Կովկասում եւ կհանգեցնի բոլոր հաղորդակցությունների բացմանը»:
Ալիևն անդրադարձել է նաև Ադրբեջանի տարածքային ամբողջականության հարցին.
«Հայաստանը ստիպված եղավ շատ կարևոր հայտարարություն անել, որ ոչ միայն ճանաչում են Ադրբեջանի տարածքային ամբողջականությունը, այլև նրանք դա պաշտոնապես հաստատեցին նախորդ տարի հոկտեմբերին, իսկ այս տարվա մայիսին ՀՀ իշխանությունները հստակեցում մտցրեցին այդ հարցում, քանի որ մենք պահանջել էինք հստակ ասել, որ Ղարաբաղը ճանաչում են Ադրբեջանի մաս: Նրանք ճանաչում են Ադրբեջանի տարածքային ամբողջականությունը 86.600 քկմ տարածքով, ինչն իր մեջ ներառում է Ղարաբաղը և ՀՀ տարածքում ադրբեջանական 8 անկլավները»:
