«Հայաքվե» նախաձեռնությունն, ամփոփելով աշխատանքային երկրորդ շաբաթվա արդյունքը, հայտնում է, որ այն Երևանից տարածվել է մարզերով, գյուղերով։ Մարդիկ սկսել են քննարկել՝ ինչ է «Հայաքվեն», ինչ է այն տալիս մեզ։
«Հայաքվեի» համակարգող Ավետիք Չալաբյանը հայտնեց, որ քաղաքացիների ակտիվությունը շարունակվում է։ Եթե անցյալ շաբաթ ստորագրահավաքին միացել էին այն մարդիկ ու գործիչները, որոնք միշտ են քաղաքականապես ակտիվ եղել, ապա այս շաբաթ «Հայաքվեին» միացել է ժողովուրդը։
«Հայաքվեն» ունի ստորագրահավաքի անցկացման 26 կետ։
«Գոտկատեղից ներքև» հարվածելու տարբեր միջոցների է անցել իշխանությունը. խուլիգանական տարրերը, ուղղորդված իշխանություններից, հարձակումներ են գործել, ինչի պատճառով որոշ ժամանակով դադարեցվել է ստոագրահավաքը, բայց այն վերականգնվել է։ Ձեր խուլիգանությունն օրենքից դուրս է, դուք դրա համար պատժվելու եք։ Այնպիսի տպավություն է, որ ՔՊ-ից հրաման ստացած թաղապետարանները փորձում են խոչընդոտել մեր աշխատանքը»,- ասաց Ավետիք Չալաբյանը։
Տավուշում ու Վայոց ձորում մարդկանց ահաբեկում են, նրանց հավաքում են ու վախեցնում՝ մի միացեք «Հայաքվեին», եթե միանաք, աշխատանքից կազատվեք. պատմեց նա։
Իշխանությունը սարսափած է «Հայաքվեից», որովհետև այս նախաձեռնությունն իրենց պոպուլիստական դիկտատուրայի դեմ է, օրենքի տառին համապատասխան՝ «Հայաքվեն» բռնում է իշխանության՝ Արցախը հանձնող ձեռքը։
«Հայաքվեն» դառնում է ջրբաժան՝ երկիրը հանձնողների ու դրա դեմ պայքարողների միջև։
Արցախի հարցում մենք ենք հարցնում ժողովրդի կարծիքը, թեև իշխանությունները նախկինում ասում էին, որ իրենք են հարցնելու։
«Այս պահին մենք ուղիղ հատել ենք 25 հազարի սահմանը։
«Հայաքվեն» տևելու է 7 շաբաթ, իսկ մենք արդեն 25 հազար ստորագրություն ունենք։ Բայց մենք չենք ուզում նվազագույն 50 հազար հավաքել, ուզում ենք ավելի շատ ստորագրություններ ունենալ»,-ասաց Չալաբյանը։
Նա կոչ արեց բանակին՝ դուք արյուն եք թափել Արցախի համար, եկեք, տեր կանգնեք ձեր թափած արյանը, որպեսզի Արցախը չկորցնենք։
Մանրամասները՝ տեսանյութում.
