Ֆուտբոլի արքա Պելեն հրաժարվել է այսօր կայանալիք աշխարհի առաջնության մասնակիցների վիճակահանությանը մասնակցելուց: Նա միայն ներկա կգտնվի միջոցառմանը, թեեւ վիճակահանությանը մասնակցելու խնդրանքով Պելեին էր դիմել Բրազիլիայի նախագահ Դիլմա Ռոուսեֆը: Պելեն նշել է, որ մի փոքր վախենում է, թե վիճակահանության արդյունքները բրազիլացիների համար հաջող չեն լինի:
2002-ին Պելեն մասնակցել էր աշխարհի առաջնության վիճակահանությանը եւ նրա թեթեւ ձեռքով բրազիլացիներին խմբային մրցաշարում բաժին էին հասել Չինաստանի, Կոստա Ռիկայի եւ Թուրքիայի հավաքականները: Այդ տարի բրազիլացիները 5-րդ անգամ նվաճեցին աշխարհի չեմպիոնի տիտղոսը:
