Սյուզի Քենտիկյանը հերթական անգամ հաջողությամբ պաշտպանեց WBA-ի վարկածով թեթեւագույնքաշային կարգում աշխարհի չեմպիոնի իր տիտղոսը: Գերմանիայի Շտուտգարտ քաղաքում կայացած 10-ռաունդանոց մենամարտում 26-ամյա հայ մարզուհին միավորներով (98,5-94, 99-91, 97-95,5) հաղթեց 41-ամյա իտալուհի Սիմոնա Գալասիին, որը պրոֆեսիոնալ ռինգում իր վերջին հանդիպումն էր անցկացնում:
«Շնորհակալություն ձեր աջակցության ու շնորհավորանքների համար: Ես պաշտպանեցի աշխարհի չեմպիոնի իմ տիտղոսը: Հիանալի երեկո էր անձամբ ինձ եւ իմ թիմի համար», գրել է Քենտիկյանն իր ֆեյսբուքյան էջում:
Սյուզին պրոֆեսիոնալ ռինգում 35-րդ մենամարտն անցկացրեցՙ տոնելով 33-րդ հաղթանակը: Դրանցից 16-ը նա շահել է նոկաուտով:
Սյուզի Քենտիկյանը մինչեւ Շտուտգարտում անցկացրած մենամարտը վերջին անգամ ռինգ էր դուրս եկել այս տարվա հուլիսինՙ միավորներով հաղթելով աշխարհի չեմպիոնուհի Կարինա Մորենոյին ու վերադարձնելով WBA-ի վարկածով թեթեւագույնքաշային կարգում աշխարհի չեմպիոնի գոտին: Մորենոն Քենտիկյանին հաղթել էր 2012-ի դեկտեմբերի 1-ին:
