Ազատ գյուղի զինվորական կացարանում անհայտ հանգամանքներում հունվարի 19-ին կրակի մատնված 15 զինվորներից մեկի՝ Գագիկ Բարսեղյանի հայրը՝ Արման Բարսեղյանը երեկ կաթված է ստացել և մահացել։
Արման Բարսեղյանը 44 տարեկան էր։ Նա պայքարում էր, որպեսզի իր և իր բախտակից մյուս ծնողների ձայնը տեղ հասնի, արդար քննություն լինի, ու պարզվի՝ ի՞նչ է կատարվել Ազատ գյուղի զինվորական կացարանում, ո՞վ է մեղավորը, ի՞նչ հանագմանքներում ու ի՞նչ պատճառով է հրդեհը տեղի ունեցել, իսկ հրդեհից առաջ ի՞նչ է եղել։ Մինչև հիմա ոչ մի պատասխան չկա, թեև քննությունը շարունակվում է արդեն 6 ամիս։
Կացարանում սպանված Գագիկ Բարսեղյանը Գերմանիայից էր եկել հայրենիք, որպեսզի ծառայեր Հայոց բանակում։
