ՌԴ արտաքին գործերի նախարարության ներկայացուցիչ Մարիա Զախարովան հայտարարել է, որ ռուս խաղաղապահները չեն մասնակցել «ադրբեջանական սահմանապահների գործողությանը», սակայն հարթել են կողմերի հակասությունները։
Բացի այդ, ըստ Զախարովայի, Ռուսաստանը շարունակում է աշխատել Լաչինի միջանցքն ամբողջությամբ ապաշրջափակելու ուղղությամբ։
Ավելին, Զախարովան կոչ է անում Երևանին չհրաժարվել եռակողմ ձևաչափերով աշխատանքից. Երևանի կողմից «ժամանակ վատնելը» վնասակար ազդեցություն է ունենում տարածաշրջանային իրավիճակի վրա և հանգեցնում է իրավիճակի սրման։
Զախարովան տեղյակ չէ՞, որ Հայաստանը եռակողմ աշխատանքի ձևաչափից չի հրաժարվել և սպասում է խաղաղության պայմանագրի՝ ադրբեջանական փաթեթի տարբերակին։ Տեղյակ չէ՞, որ հունիսի 17-ին փոխվարչապետ Մհեր Գրիգորյանն առաջարկ է ուղարկել Ադրբեջանի փոխվարչապետ Շահին Մուստաֆաևին անցկացնել սահմանազատման հանձնաժողովի նիստեր։
Ստացվում է՝ Զախարովան ձևը գտել է՝ ցանկացած պահի կարող է մեղքը գցել Հայաստանի, բայց ոչ երբեք՝ Ադրբեջանի կամ հենց ռուսական կողմի վրա։ Ըստ նրա՝ թե՛ ռուսական, թե՛ ադրբեջանական կողմը պարտավարությունները կատարում են, ամեն ինչի մեղավորը Հայաստա՞նն է։
