Այսօր Երևանի քրեական դատարանի Ավան և Նոր Նորք նստավայրում դատավոր Մանվել Շահվերդյանը պետք է հրապարակեր զոհված զինծառայող Ժորա Մարտիրոսյանի մոր՝ Գայանե Հակոբյանի գործով վերջինիս պաշտպանների՝ իրեն ինքնաբացարկ հայտնելու որոշումը:
«Կա հակասություն մեր և տիկին Գայանեի դիրքորոշումների միջև։ Պաշտպանության մարտավարության հետ կապված, նաև հարգելով տիկին Գայանեի կարծիքը՝ հրաժարվել ենք ծառայությունից։ Արդարացման հիմքով պետք է շարունակեինք պաշտպանությունը, սակայն տիկին Գայանեն այլ կարծիքի է։
Մենք խափան միջոցը փոխելու միջնորդություն ներկայացրինք ու դուրս եկանք դահլիճից՝ դադարեցնելով մեր գործունեությունը։ Դատարանի որոշմամբ՝ մենք ազատված ենք Գայանե Մարտիրոսյանի պաշտպանությունն իրականացնելուց։ Տիկին Գայանեն իր դիրքորոշումը կհայտնի»,- տեղեկացնում են Աշոտ Փաշինյանին առևանգելու մեղադրանքով կալանավորված Գայանե Հակոբյանի պաշտպանները։
