«Այն, որ Հայաստանի սադրանքները, ինչպես միշտ, տեղի են ունենում խաղաղ համաձայնագրի շուրջ ինտենսիվ բանակցությունների, ինչպես նաև երկրների ղեկավարների միջև սպասվող բանակցությունների ֆոնին, վկայում է այն մասին, որ Հայաստանը շահագրգռված չէ խաղաղ գործընթացով»,- ասված է Ադրբեջանի ԱԳՆ-հայտարարության մեջ։
Այդ երկիրն այսօր առավոտյան իրենց կողմից Սոթքի ուղղությամբ կրակ բացելու մեղքը նորից բարդում է հայկական զինուժի վրա՝ հայտարարելով, թե «Հայաստանը հերթական ռազմական սադրանքներն է իրականացրել»։
«Հայաստանի կողմից բանակցային գործընթացին վնաս հասցնող նման գործողությունները պետք է խստորեն դատապարտվեն միջազգային հանրության կողմից»,- ասվում է ԱԳՆ-ում։
Ադրբեջանի ԱԳՆ-ն նշել է, որ Ադրբեջանի զինված ուժերը ձեռնարկում են բոլոր անհրաժեշտ միջոցները Հայաստանի սադրանքները կանխելու համար. «Իրավիճակի կանխամտածված սրման ողջ պատասխանատվությունը կրում է Հայաստանի ռազմաքաղաքական ղեկավարությունը»։
Ադրբեջանական կողմը նշում է, որ ունեն մեկ վիրավոր զինծառայող։
