Ֆրանսիական մարզական լրատվամիջոցների կողմից «Արթուր Արքա» հորջորջված, 1945 թվականի Ֆրանսիայի երիտասարդական տասնամարտի չեմպիոն Արթուր Մաղաքյանը վախճանվել է 89 տարեկանում գլխուղեղի ուռուցքի պատճառած բարդությունների հետեւանքով: Արթուրը ծնվել էր Վիենում (Ֆրանսիա) 1925 թվի նոյեմբերի 11-ին: Փարիզից անկախ լրագրող Ժան Էսքիյանի փոխանցմամբ, 1952-ին վնասվածք ստանալու պատճառով նա չի կարողացել մասնակցել Հելսինկիի օլիմպիական խաղերին եւ վերջ է տվել մարմնամարզիկի իր կարիերային: Հետագայում դարձել է ֆրանսիական մարմնամարզիկների ֆեդերացիայի ղեկավար դեմքերից եւ 1963-ից 1986 թվականը վարել տեխնիկայի գծով վարպետության տնօրենի պաշտոնը: Արժանացել է «Պատվո լեգեոն», «Երախտիքի ազգային օրդեն» եւ «Երիտասարդության եւ սպորտի ոսկե մեդալի»: Հուղարկավորությունը տեղի է ունեցել հոկտեմբերի 8-ին Վալանսում (Ֆրանսիա):
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական