Ներկայումս աշխարհում 8 մարդուց մեկը (եւ 6 երեխայից մեկը) տառապում է սովից։ Երեկ, հոկտեմբերի 16-ին, նշվում էր Սննդի համաշխարհային օրը, որի նախօրեին Սննդի քաղաքականության հետազոտման միջազգային ինստիտուտը (ՍՔՀՄԻ, IFPRI) հրապարակել է իր հերթական զեկուցագիրը։ Փաստաթղթի համաձայն, 16 երկրներ քաղցի մակարդակի առումով մնում են «հույժ տագնապալի» կամ «տագնապալի» վիճակում։
Վաշինգտոնում գործող IFPRI միջազգային հետազոտական կենտրոնը ամեն տարի սահմանում է հատուկ ցուցիչ (Global hunger index, GHI), որը երեխաների մահացության, թերսնման եւ քաշի անբավարարության տվյալների հիման վրա չափում է սովի մակարդակը յուրաքանչյուր երկրում։ 1990 թվականից ի վեր այդ ցուցիչի կրած փոփոխությունները վկայում են աշխարհում սովի դեմ ծավալված պայքարի հաջողությունները, սակայն «այսօր եւս աշխարհում սովի մակարդակը մնում է զգալի», արձանագրում է IFPRI-ն։
