Թուրքիայի վարչապետ Ահմեդ Դավութօղլուն աշխատանքից ազատել է իր հայազգի խորհրդական Էթիեն Մահչուպյանին, ըստ պաշտոնական պարզաբանման` «Քանի որ վրա է հասել Էթիեն Մահչուպյանի թոշակային տարիքը»:
Բոլորովին վերջերս, ի դեպ, Մահչուպյանը, հավանաբար` գտնվելով թոշակային տարիքի մարդկանց մոտ նկատվող սթրեսային վիճակում, ասել էր, որ իր կարծիքով «այդ դեպքերը» ցեղասպանություն էին: Բայց սա, իհարկե նրա գործազրկության հետ կապ չունի. չի բացառվում, որ Մահչուպյանը Դավութօղլուին սկսել է վատ խորհուրդներ տալ, օրինակՙ եվրոպացի պատգամավորների, կամ Հռոմի պապի հետեւից վատ-վատ բաներ ասել:
Իսկ ավելի լուրջ` հարց տանք Դավութօղլուին` 6-7 ամիս առաջ Մահճուպյանին խորհրդականի պաշտոն վստահելիս չգիտեի՞ր նրա տարիքը:
