Թուրքիան չի ուզում հայերի կոտորածները որպես ցեղասպանություն ճանաչել եւ գրոհում է բոլոր նրանց վրա, որ տարբեր հայացք ունեն: ԵՄ ընդլայնման հարցերով հանձնակատար Յոհաննես Հահնը ավստրիական «Շտանդարտին» մտահոգություն է հայտնել Թուրքիայիՙ այս դիրքորոշմամբ պայմանավորված ԵՄ մուտքի հարցում երկարաժամկետ հետեւանքների առնչությամբ: «Սրանով հակաեվրոպական եւ հակաարեւմտյան սերմեր են ցանվում, որ այսօրվա հայացքով դժվար են դարձնում ապագա մուտքը», հիշյալ աղբյուրին փոխանցել է եվրոպական ընդլայնման հարցերով հանձնակատարը: Ավստրիական թերթի փոխանցմամբ, Գերմանիան եւ Ավստրիան 100 տարի առաջ տեղի ունեցած կոտորածները դատապարտել են որպես ցեղասպանություն: Թուրքիայի նախագահ Ռեջեփ Թայիփ էրդողանը մերժել է դա, նկատելով, թե այդ բնորոշումը զրպարտություն է իր երկրի հասցեին: Հահնը նկատել է տալիս, թե «Անկարայի այսօրինակ կոշտ ռեակցիայի» պատճառը նաեւ հունիսին կայանալիք ընտրություններն են, որ «երկրի որոշ մասերում, բնակչության որոշակի հատվածների համար կարող են հանրամատչելի լինել», ասել է նա:
Վերջին լուրեր
Մենք քիչ թե շատ գործոն էինք, քանի դեռ կար հայկական Արցախը. Վահե Դավթյան
Քաղաքական գիտությունների դոկտոր, պրոֆեսոր, էներգետիկ անվտանգության փորձագետ Վահե Դավթյանը գրում է. Քաղաքական տեխնոլոգիաներում կա երկու կարևոր գործիքակազմ՝ միֆոդիզայն և ռեալդիզայն: Առաջինն...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական