Ստամբուլից BBC-ն տեղեկացնում է, որ պետական գաղտնիքներ բացահայտելու համար մեղադրվող Ջան Դյունդարը հրաժարվել է ընդդիմադիր «Ջումհուրիեթ» թերթի իր պաշտոնից: Նրա գտնվելու վայրը անհայտ է, բայց ենթադրվում է, որ Գերմանիայում է: Նա ասել է, որ չի պատրաստվում հանձնվել թուրքական արդարադատությանը: «Նրանց հավատ ընծայելը նման է գլուխդ գիլյոտինի տակ դնելուն», ասել է նա, խոստանալով շարունակել հոդվածներ գրել թերթին: Ջանին եւ նրա համախոհներին մեղադրում են սիրիական ապստամբներին Թուրքիայի զենք մատակարարելը բացահայտելու մեջ:
Հիշեցնենք, որ ձախողված հեղաշրջումից հետո ավելի քան 23 հազար մարդ է ձերբակալված Թուրքիայում եւ 82 հազար պետական պաշտոնյաներ ազատված են իրենց զբաղեցրած պաշտոններից: Իշխանությունները փակել են նաեւ որոշ լրատվամիջոցներ, բանտարկել լրագրողների եւ արգելել ուրիշներին քաղաքից բացակայել: Օգոստոսի 16-ին երկու գնդապետներ եւս ձերբակալվեցին հարցաքննվելու համար, եւ Ստամբուլի դատական ատյաններից 173 հոգու համար ձերբակալման հրաման արձակվեց:
Դյունդարի եւ նրա խմբագրական կազմից Էրդեմ Գյուլի դեմ հետապնդումները քննադատել են միջազգային բազմաթիվ կազմակերպություններ, որոնց թվում նաեւ «Միջազգային ներում»ըՙ «Ամնեսթի ինտերնեշնլը»:
