ՀԱՊԿ գլխավոր քարտուղար Նիկոլայ Բորդյուժան ՏԱՍՍ լրատվական գործակալության հետ զրույցում հայտնել է, որ հոկտեմբերի 14-ին Երեւանում տեղի է ունենալու ՀԱՊԿ խորհրդի նիստը, որի ժամանակ ընտրվելու է կազմակերպության նոր գլխավոր քարտուղարը: Ըստ Բորդյուժայի նոր գլխավոր քարտուղարը պետք է լինի Հայաստանի ներկայացուցիչ: Թե ո՞վ կոնկրետ, Բորդյուժան դժվարացել է պատասխանի:
Այնպես, որ եթե դուք ցանկանում եք դառնալ ՀԱՊԿ գլխավոր քարտուղար եւ կամ, եթե ձեզ վերջին օրերին պաշտոնանկ են արել պետական բարձր կամ միջին պաշտոնից, ապա կարող եք դիմել ՀԱՊԿ, կամ նամակ գրել կազմակերպության էլեկտրոնային էջին, պարտադիր նշելով, որ հայ եք եւ ցանկանում եք դառնալ ՀԱՊԿ-ի գլխավոր քարտուղար:
Իսկ եթե լուրջ, ապա դժվար է ասել, թե ՀԱՊԿ-ի գլխավոր քարտուղարությունը ստանձնելը Հայաստանի համար հնարավորությո՞ւն է, թե՞ լուծ:
