Սոպրանո Անուշ Հովհաննիսյանը դարձել է «Ստելա Մարիս» մրցույթի հաղթող, հունիսի 17-ին հաղորդում է klassik.com-ը: Նա հանդիսատեսի համակրանքն է շահել եւ ստանալու է սահմանված 15 000 եվրո պարգեւավճարը, CD ձայնագրելու արտոնություն, ինչպես նաեւ Դանիայի արքայական օպերային թատրոնում ելույթի հնարավորություն:
2009-ից ի վեր ամենամյա «Ստելա Մարիս» (Ստելա Մարիս թարգմանաբարՙ ծովի աստղ, որ բաց ծովում նավարկողների հովանավորն է) երգեցողության մրցույթն իրականանում է շուրջերկրյա ճամփորդություն իրականացնող նավի մեջ, ժյուրիի ղեկավարը տենոր Միշայել Շադեն է:
Անուշ Հովհաննիսյանի մասին «Ազգը» գրել է հանգամանալից: Նա Երեւանի կոնսերվատորիայի սան է եղել, այնուհետ կրթությունը շարունակել է Գլազգոյի շոտլանդական արքայական կոնսերվատորիայում, 2013-15-թվականներին հանդես է եկել Քովենթ Գարդենի արքայական օպերային թատրոնում: Մի շարք միջազգային մրցույթների հաղթող է:
