Ադրբեջանցիները կրակ են բացել արցախցու ուղղությամբ

Ադրբեջանի զինված ուժերը Լեռնային Ղարաբաղի Հանրապետության Մարտունու շրջանում խախտել են հրադադարի պահպանման ռեժիմը։

Հունվարի 6-ին՝ ժամը 13:35-ին, ոստիկանություն է դիմել ԼՂՀ Մարտունու շրջանի Խացի գյուղի բնակիչ Ի.Աբրահամյանը. հայտնում են ԱՀ Ներքին գործերի նախարարությունից։

 Մասնավորապես, Մարտունու բնակիչը հայտնել է, որ ժամը 13։00-ի սահմաններում «Կախնուն տակ» կոչվող տարածքում գյուղատնտեսական աշխատանքներ կատարելիս ադրբեջանական հարակից մարտական ​​դիրքից հրաձգային զինատեսակներից կրակ է բացվել իր «Բելառուս 82-1»  տրակտորի վրա։

Արդյունքում գյուղատնտեսական աշխատանքները դադարեցվել են։