«50 հոգով ի՞նչ պահանջենք։ 50 հոգով համընդհանուր, միասնական պահանջ չեն ներկայացնում։ Ինձ զարմացնում է, որ այսքան քիչ մարդ է մասնակցում բողոքի ակցիաներին։ Թուրքը որ Երևանի մոտ գա, կռվողն էլի կկռվի, փախչողը կփախչի»,- ասաց «Ի պաշտպանություն Արցախի» նախաձեռնությանը միացած ռեժիսոր Վահան Խաչատրյանը։
Նա աշխատում է Ստեփանակերտի դրամատիկակն թատրոնում։ Եկել էր Երևան, որպեսզի Նոր տարվա ներկայացման հետ կապված՝ Հայաստանում ինչ-որ պայմանավորվածություններ ձեռք բերեր, սակայն ադրբեջանցիներն այդ ընթացքում շրջափակեցին Արցախը, ու թատրոնի բեմադրող ռեժիսոր Վահանը մնաց Երևանում։
Ես Երևանում եմ, իսկ թատրոնը՝ Ստեփանակերտում։ Ու չգիտեմ՝ այս բաժանումն ինչքան կտևի։ … Ես ի՞նչ պահանջեմ ՀՀ իշխանություններից, ասում եք՝ բողոքի ակցիաներ արեք Կառավարության դիմաց, ոչ թե ՄԱԿ-ի գրասենյակի կամ դեսպանատների առաջ։ Ինձ համար շատ տարօրինակ է, որ ես իմ երկրում պետք է իմ իշխանություններից պահանջեմ, որ նրանք գործեն ի շահ իմ երկրի»,- ասաց Արցախում բնակվող ռեժիսորը։
Մանրամասները՝ տեսանյութում
