ՏԱՐԵԴԱՐՁԴ ՇՆՈՐՀԱՎՈՐ, ՍԻՐԵԼԻ ԱՆՐԻ

Մոսկվայում բնակվող մեր կրտսեր հայրենակից Անրի Աղաբաբյանը դարձավ 16 տարեկան: Այսինքնՙ ոսկե հասակՙ պատանությունից անցում դեպի երիտասարդություն: Ջերմորեն շնորհավորում ենք երաժշտության եւ նկարչության բնագավառներում արդեն լուրջ հաջողություններ արձանագրած եւ երիտասարդության սեմին նոր-նոր ոտք դնող շնորհաշատ տղային, մաղթում առողջություն, բարձր առաջադիմություն ուսման մեջ եւ նորանոր հաջողություններՙ կյանքի բոլոր ասպարեզներում: Համոզված ենք, որ նրա կերպարը ռուսաստանաբնակ տարեկիցների համար կարող է դառնալ հայի պատիվը օտար ափերում բարձր պահելու եւ հայրենասիրության դասեր սերտելու գերազանց օրինակ, ինչի համար շնորհավորում ենք նաեւ նրա ծնողներին եւ մյուս հարազատներին: