2022թ հուլիսի 1-ից մինչև 2022թ նոյեմբերի 1-ն ընկած ժամանակահատվածում ՀՀ փաստաբանների պալատի փաստաբանների կողմից ներկայացվել է կալանքը որպես խափանման միջոց կիրառելու որոշումների դեմ հատուկ վերանայման 288 վերաքննիչ բողոք, որից բավարարվել է 13-ը։ Այս մասին ֆեյսբուքյան գրառմամբ հայտնում է փաստաբան Վահան Հովհաննիսյանը՝ հրապարակելով ՀՀ վերաքննիչ քրեական դատարանի նախագահին հասցեագրված իր դիմումի պատասխանը։
Փաստաթղթին կից փաստաբանը ֆեյսբուքյան գրառում է կատարել՝ հրավիրելով իրավապաշտպանների, եվրոպական կառույցների ուշադրությունը։
«Չոր փաստ առանց որևէ մեկնաբնության:
Ժողովրդավարության բաստիոն Հայաստանը նոր հաջողություններ է գրանցում: Կալանքների դեմ պաշտպանների ներկայացրած 228 բողոքից բավարարվել է 13-ը:
Կարծում եմ Հայաստանում ավելորդ է փաստաբանությամբ զբաղվելը:
Վայելեք»,- գրել է Վահան Հովհաննիսյանը։
