Հայագիտական ուսումնասիրությունների եւ հետազոտությունների NAASR ընկերակցության կազմակերպությամբ 1967-ին մի խումբ ամերիկահայեր Մայքլ Հակոբյանի առաջնորդությամբ առաջին անգամ այցելեցին պատմական Հայաստան իրենց արմատների հետքերը որոնելու նպատակով: Մայքլ Հակոբյանը վավերագրական ֆիլմ նկարահանեց այդ ժամանակ, Եղեռնից հետո առաջին անգամ հայրենիք այցելած այդ մարդկանց մասին:
Հոկտեմբերի 1-ին Լոս Անջելեսի Կալիֆոռնիա համալսարանի «Մելնից» դահլիճում ցուցադվերլու է հատվածներ այդ ֆիլմից: Միաժամանակ ցուցադրվելու է 2013-ին նկարահանված Հովհաննիսյան-Գեւորգյանի կարճամետրաժ ֆիլմը, որտեղ նա պատմում է, թե ինչպես պատմական Հայաստան կատարած իր այցելության ժամանակ հանդիպել է շոտլանդացի մի հետախույզ-լուսանկարչի, որն արդեն 30 տարի վավերագրելիս է եղել այդ կորսված աշխարհից մնացած հետքերը: Այդ օրվանից ի վեր նրանք միասին աշխատել են հայտնաբերելու համար այդ մոռացված աշխարհի գաղտնիքները:
Ֆիլմերի ցուցադրությունից հետո, ըստ տեղեկատվության, տեղի է ունենալու քննարկում, որին մասնակցելու են ՆԱԱՍՐ-ի գիտական հարցերի տնօրեն Մարկ Մամիկոնյանը , Հայկական ֆիլմ հաստատությունիցՙ ռեժիսոր դոկտ. Կառլա Կարապետյանը , UCLA-ի դասախոսական կազմից Փիթեր Քաուին եւ Սեպուհ Ասլանյանը :
Միջոցառման հովանավորն է UCLA-ի արդի հայ պատմության ամբիոնն ու Արարատ-Էսքիջյան թանգարանը:
