Հայաստանն ապրում է «Հայկական ժամանակ» 24 ժամ ռեժիմով. տեսակետը փաստաբան Տիգրան Աթանեսյանը հայտնել է «Իրավական պետության ռիսկային իրականությունը» թեմայով քննարկման ժամանակ:
«Ստեղծվում է սենսացիա, որը մեկ օր ապրում է, հետո բոլորը մոռանում են, ապրում են հաջորդ օրվա սենսացիայով, ընդ որում, որակը, մակարդաը կապ չունի»,- նշեց փաստաբան Աթանեսյանը:
Հասարակությանն անընդհատ պահելով լարվածության մեջ՝ ըստ իրավունքի մասնագետի, պայմանավորված է իշխող ուժի քաղաքական նպատակներով՝ ամեն կերպ մնալ իշխանության՝ «փողով հոդված գրելու, սենսացիա ստեղծելու, լարված պահելու» փորձառությամբ:
Թեև վերջին տարիներին շարունակ քրեական գործեր են հարուցվում, ձերբակալվում կամ կալանավորվում են մարդիկ, բայց չկան օրինակներ, երբ մեկը դատապարտվի, կամ երկար մնա կալանքի տակ, Աթանեսյանի հավաստմամբ՝ սա էլ իր պատճառներն ունի:
«Կապիտուլյանտը, որ անցել է ՔԿ հիմնարկներով, շատ լավ հասկանում է` մարդը վախի մեջ է, քանի կալանավորված է, քանի իր համար ճակատագիրն անհայտ է, բայց դատապարտյալն արդեն դառնում է մշտական պայքարող և դառնում է ինչ-որ սիմվոլ»,- ասաց նա:
Անդրադառնալով իր պաշտպանյան Արմեն Աշոտյանի՝ Հայաստանից ելքի սահմանափակմանը՝ Տիգրան Աթանեսյանը փաստեց. «Ակնհայտ ծիծաղելի է. անգամ դատախազի որոշումը, որով նա մեղադրյալ է ներգրավվել, թվագրված է նոյեմբերի 16-ով. ելքը փակել են գիշերը ժամը 3-ին: Գիշերվա 3-ին զանգահարել եմ քննիչին, ասում եմ ՝ ինչո՞ւ եք ելքը փակել, ասում է ՝ դատախազը որոշում է կայացրել: Էդ ե՞րբ կայացրեց ՝ ժամը 00:01-ի՞ն, քննիչն էլ տանը քնա՞ծ էր որոշման պայմաններում. հասկանո՞ւմ եք՝ իրենց կատարածուներին էլ են վատ վիճակում դնում:
Զանգել-ասել են՝ փակեք, փակել են. դե, տղամարդկություն չունեն ասելու՝ ինչու են փակել, ինչ-որ մի շիզոֆրենիկի նոպայի հետևանքո՞վ են փակել, թե՞ ինչ-որ հաշվարկ կա, կամ գուցե մեզ ասեն՝ Աշոտյանը գնալու էր այնտեղ Արցախը վաճառելու՝ դեմն առանք»:
Ավելին՝ տեսանյութում.
