Հայաստանի Հանրապետության Կառավարությունը, Զարգացման ֆրանսիական գործակալությունը (ԶՖԳ) և Ասիական զարգացման բանկը (ԱԶԲ) ստորագրել են բյուջետային վարկ՝ 100 մլն եվրոյի չափով ԶՖԳ-ի և 100 մլն դոլարի չափով ԱԶԲ-ի կողմից։
Ստորագրվել են երկու վարկային պայմանագրեր (ԶՖԳ-ի և ԱԶԲ-ի հետ) Ֆինանսների նախարար Տիգրան Խաչատրյանի, ԶՖԳ-ի Արևելյան Եվրոպայի, Մերձավոր Արևելքի և Ասիայի վարչության տնօրեն Սիրիլ Բելիեի և ԱԶԲ-ի Հուիպինգ Հուանգի կողմից: Այն նպատակ ունի աջակցել Հայաստանի կառավարությանը՝ բարելավելու իր հանրային ծառայությունների արդյունավետությունն ու կայունությունը, ինչպես նաև զարգացնել մասնավոր ներդրումներ՝ աջակցելու կայուն և ներառական աճին և Հայաստանի բնակչության կյանքի որակի բարելավմանը:
Ծրագրի հիմնական նպատակն է ամրապնդել պետական ֆինանսների կառավարման արդյունավետությունը և զարգացնել դրամի և արժեթղթերի շուկաների ենթակառուցվածքը՝ միաժամանակ հաշվի առնելով կլիմայի փոփոխության մեղմացման և հարմարվողականության մարտահրավերները՝ կանաչ տնտեսությանն անցնելուն ուղղված ռազմավարական շրջանակի մշակման միջոցով։
Բյուջեի այս ֆինանսավորումը ԱԶԲ-ի և ԶՖԳ-ի կողմից համաֆինանսավորվող բազմամյա ծրագրի մի մասն է, որը կլրացվի երկու հաստատությունների տեխնիկական աջակցությամբ՝ նախագիծը կյանքի կոչելու և ՀՀ Ֆինանսների, Էկոնոմիկայի, Շրջակա միջավայրի նախարարությունների և Կենտրոնական բանկի կողմից համաձայնեցված ծրագրի նպատակային բարեփոխումներին աջակցելու համար:
Ծրագիրը ունենալու է երեք հիմնական ուղղություն՝
• Բարելավել բյուջեի, պետական պարտքի և հարկաբյուջետային ռիսկերի կառավարման քաղաքականությունը և պրակտիկան, ինչպես նաև հանրային
ծառայությունների մատուցումը և ենթակառուցվածքային ներդրումները։
• Ամրապնդել պետական արժեթղթերի շուկան և դրամական շուկայի ենթակառուցվածքները։
• Ընդլայնել ֆինանսական գործիքների և ներդրողների բազան և բարձրացնել կորպորատիվ թափանցիկությունը:
«Հայաստանի կառավարության անունից թույլ տվեք մեր երախտագիտությունը հայտնել Ֆրանսիայի կառավարությանը, Զարգացման ֆրանսիական գործակալությանը և Ասիական զարգացման բանկին այս տարվա ընթացքում «Հարկաբյուջետային կայունության և ֆինանսական շուկաների զարգացման ծրագրի» քաղաքականության հիման վրա բյուջետային աջակցության իրականացման ուղղությամբ շարունակական համատեղ ջանքերի համար։ Եվ մենք բոլորս այսօր ականատես ենք այս հսկայական աշխատանքի արդյունքին` ստորագրելով վարկային համաձայնագիր ԶՖԳ-ի և վարկային համաձայնագիր ԱԶԲ-ի հետ:
Ինչ վերաբերում է ծրագրի հայեցակարգին, ուրախությամբ պետք է նշեմ, որ համաձայնեցված բարեփոխումները լիովին համահունչ են կառավարության ծրագրին, ինչը, թերեւս, ոչ պակաս կարևոր է, քան ֆինանսական միջոցների տրամադրումը։ Եվ հիմա մենք ավելի քան վստահ ենք իրականացված բարեփոխումների արդյունքներին հասնելու հարցում։
Կրկին շնորհակալություն թիմերին արդյունավետ համագործակցության համար», ասել է ֆինանսների նախարար Տիգրան Խաչատրյանը։
«Ֆրանսիայի դեսպանատունը ողջունում է ՀՀ Ֆինանսների նախարարության, Զարգացման ֆրանսիական գործակալության (ԶՖԳ) և Ասիական զարգացման բանկի (ԱԶԲ) միջև ԶՖԳ-ի կողմից 100 միլիոն դոլար վարկի և նույն չափով էլ ԱԶԲ-ի կողմից վարկի տրամադրման մասին համաձայնագրի ստորագրումը։ Այսպիսով, Ֆրանսիան հաստատում է իր վճռականությունը՝ աջակցելու Հայաստանում ընթացող բարեփոխումներին և առաջնահերթ հանրային քաղաքականությունը՝ 2021 թվականի դեկտեմբերի 9-ին ստորագրված տնտեսական ճանապարհային քարտեզի շրջանակում ստանձնած պարտավորություններին համապատասխան»- նշել է Ֆրանսիայի դեսպան Անն Լույոն:
«ԶՖԳ-ն ուրախ է աջակցել Հայաստանի կառավարության ծրագրին, որը հավակնում է առաջարկել համապարփակ և ինտեգրված մոտեցում պետական ֆինանսների և դրամական շուկայի ենթակառուցվածքների կառավարմանը՝ հաշվի առնելով կլիմայի փոփոխության հետևանքների մեղմացման և դրանց հարմարվողականության նպատակները: Ծրագրի առաջին փուլի հաջողությունն ի ցույց է դնում ԶՖԳ-ի, ԱԶԲ-ի և ՀՀ Կառավարության միջև հաստատված երկխոսության որակը՝ բացելով երկարաժամկետ հեռանկարում արդյունավետ համագործակցության հնարավորություն», ասել է ԶՖԳ-ի Արևելյան Եվրոպայի, Մերձավոր Արևելքի և Ասիայի վարչության տնօրեն Սիրիլ Բելիեն:
ԶՖԳ
Զարգացման ֆրանսիական գործակալությունը (ԶՖԳ) իրականացնում է Ֆրանսիայի քաղաքականությունը՝ ուղղված զարգացմանը և միջազգային համերաշխությանը: Հանրային հատվածի և ՀԿ-ների ֆինանսավորման իր գործունեության, իր հետազոտական աշխատանքների և հրապարակումների (ԶՖԳ հրապարակումներ), կայուն զարգացման ուսուցման (ԶՖԳ Կամպուս) և Ֆրանսիայում իրազեկման բարձրացման միջոցով ԶՖԳ-ը ֆինանսավորում, աջակցում և արագացնում է անցումները դեպի ավելի արդար և ավելի:
