Աուդիտը նույն հաշվեքննությունն է` բայց միայն պետական-հանրային հատվածում: Որպես ստուգող բարձրագույն մարմին ընկալվող Վերահսկիչ պալատն այլեւս չի լինելու, նրա փոխարեն եկող տարվա ապրիլից հետո գործելու է Հաշվեքննիչ պալատը, որը փաստորեն սոսկ աուդիտ անող է, հատկապես պետական բյուջեի կատարման աուդիտ իրականացնող, այդպիսով նախ օգնելով Ազգային ժողովին` կողմնորոշվել բյուջեի կատարողականը հաստատելիս, երկրորդՙ հաշվետվողականություն ապահովելով պետական ֆինանսների ծախսման արդյունավետության նկատմամբ: Խորհրդարանը քննարկեց այս նոր մարմնի մասին օրինագիծը: Այսինքն` այս պալատը ավելի ուղղորդված լիազորություններ ունեցող, թեեւ անկախ, իր հաշվեքննության ոլորտները ինքնուրույն որոշող կառույց է` խիստ հստակ սահմանված գործառույթներով: Պետական ֆինանսների օգտագործման վերաբերյալ անկողմնակալ տեղեկատվությունն այս մարմինը պարբերաբար պետք է տրամադրի հանրությանը: Սահմանադրական փոփոխություններով արդեն իսկ նախատեսված էր Վերահսկիչ պալատը փոխարինել հաշվեքննիչ պալատով:
Ըստ ԱԺ հանձնաժողովի նախագահ Գագիկ Մինասյանի` նոր կառույցի գլխավոր խնդիրներից մեկն էլ հանրության վստահության բ
