Հունվարի 25-ին Դերբի քաղաքում (Մեծ Բրիտանիա) քաղաքապետ Ջոն Ուիթբիի մասնակցությամբ նշվել է Հոլոքոսթի հիշատակման օրը: Ներկաներին ուղղված իր խոսքում քաղաքապետը նշել է պահի նշանակության մասին եւ շեշտել նման ողբերգությունները ոգեկոչելու կարեւորությունը, որպեսզի չկրկնվեն դրանք ապագայում, չմոռանալով հիշատակել նաեւ այլոց շարքում Հայոց ցեղասպանությունը:
Անգլիայի հայկական գաղութը այդ հանդիսավոր արարողությանը ներկայացրել են դոկտ. Հրաչ Գույումճյանը, Վ. Հալաճյանն ու Վ. Գրիգորյանը, որոնք առիթը օգտագործելով քաղաքապետին շնորհակալություն են հայտնել հրավերի համար, խոսել Օսմանյան կայսրության մայրամուտին հայերին պատուհասած ողբերգության մասին եւ ի նշան երախտիքի նրան նվիրել Ցեղասպանության 100-ամյակի առթիվ թողարկված հիշատակի պաշտոնական կրծքանշանը:
