Խորհրդարանական ճեազրույցների մեկնարկին ներկաները մեկ րոպե լռությամբ հարգեցին հոկտեմբերի 27-ի ահաբեկչության զոհերի հիշատակը:
ՔՊ խմբակցության պատգամավոր Անդրանիկ Քոչարյանը հորդորեց ՀՀ Գլխավոր դատախազին՝ հետևողական լինել հոկտեմբերի 27-ի բացահայտման հետ առնչվող բոլոր խնդիրներին.
«Հոկտեմբերի 27-ի չբահայտված լինելը մեզ չի տալիս հնարավորություն՝ կառուցելու ներքին համերաշխություն մեր երկրում և հանելու կասկածամտությունը մեր երկրի ներքին կյանքից: Նույնիսկ այս պահին կա հնարավորություն՝ հոկտեմբերի 27-ի ամբողջական բացահայտման համար, քանի որ շատ կարևոր վկաներ այլևս չկան, մահացել են, բայց կան դրա բացահայտմանը հասնելու հեռանկարներ, ուստի խնդրում եմ, որ մենք այդ խնդրի լուծման հետ կապված բոլոր ջանքերը դարձնենք իրականանալի»,-ասաց Անդրանիկ Քոչարյանը:
ՔՊ-ական պատգամավորի դիտարկմամբ՝ այսքան տարիներ եթե որևէ առաջընթաց չի եղել հոկտեմբերի 27-ի բացահայտման գործում, դա նշանակում է, որ խանգարող հանգամանքներ կան, և դրանք նույնպես պետք է բացահայտվեն.
««Ուչաստկովի» այդ տեսակետը 23 տարի մեր կողքն է եղել և դրանից պետք է արագ հրաժարվել։ Խանգարող հանգամանքները թաքնված են էդ «ուչաստկովի» տեսանկյունի մեջ», – ասաց Քոչարյանը։
Աղբյուր` Փաստինֆո
