«Կանչել են իմ դեկանին եւ ամբիոնի վարիչին ու հանձնարարել են, որ ինձ հետ աշխատանքային պայմանագիր չկնքվի, ասել են՝ անձամբ խոսեք հետը, որ այլեւս չխոսի, մեր անունը չտա, չքննադատի։ Նախարարը անձամբ է հանձնարարել, որ ինձ հետ պայմանագիր չկնքեն եւ այդ նախարարն այն նախարարն է, որը հայերեն երկու բառ հոդաբաշխ կապակցել չգիտի, թո՛ղ նա ասի, թե այս 2 տարում ի՞նչ բան է արել, բացի քանդելուց։ Ո՛չ Սերժ Սարգսյանի, ո՛չ Ռոբերտ Քոչարյանի ժամանակ որեւէ մեկը ինձ չի թելադրել, թե ես ինչ խոսեմ, հիմա մարդիկ թելադրում են եւ ինձ սպառնում զրկել աշխատանքից, որը ընդամենը քառորդ դրույք աշխատանք է: ՉԵ‘Մ ԼՌԵԼՈՒ»,-տեղեկացնում է գրականագետ, բանասիրական գիտությունների թեկնածու, ԵՊՀ դոցենտ Սերժ Սրապիոնյանը։
Նշենք, որ նա 1987 թվականից դասավանդում է ԵՊՀ բանասիրական ֆակուլտետում, եղել է նաև Սփյուռքի փոխնախարար, «Ձայն հայրենյաց» շարժման անդամ է և իր ելույթներում, հրապարակախոսություններում քննադատում է իշխանություններին։
