Օրեր առաջ համացանցում տեղեկություն էր տարածվել այն մասին, որ Ուրցաձոր գյուղի տարածքում գտնվող քրդական գերեզմանատունը վանդալիզմի է ենթարկվում: Բարձրացված աղմուկի վերաբերյալ հայտարարություն է տարածել նաեւ Հայաստանում քրդական համայնքի ղեկավար Կնյազ Հասանովը ՙ հերքելով տարածված տեղեկությունները եւ շեշտելով, որ հայ-քրդական բարեկամությունն օրեցօր ավելի է ամրապնդվում.
«Այդպիսի բան չկաՙ սա վանդալիզմ չէ եւ գերեզմանատունն ադրբեջանական է, որտեղ կան նաեւ մի քանի քրդերի գերեզմանաքարեր: Պատերազմի ժամանակ թշնամություն է ստեղծվել հայերի եւ ադրբեջանցիների միջեւ, նրանքՙ այնտեղ, հայերըՙ այստեղ մեկ-մեկ կատարել են այնպիսի գործողություններ, որոնք դատապարտելի են: Հայ եւ քուրդ ժողովուրդների միջեւ բարեկամությունը գնալով ավելի է ամրապնդվում եւ զարգանում, այնպես որ հայերը մեր նկատմամբ ոչ մի վատ արարք չեն կատարել»:
Ուրցաձորի համայնքապետը նույնպես հերքել է այդ ամենը:
