«Արցախցիներից շատերը կուզենան լինել այստեղ ու ասել, թե ինչ կա իրենց հոգում։ Վերջերս, երբ «Դիմադրություն» շարժման ներկայացուցիչները եղան Արցախում, տեսան արցախցու ջերմությունը, այն հույսերը, որ ունեն նրանք։»,- Դիմադրություն շարժման հանրահավաքին իր ելույթում ասաց Արցախի ԱԺ պատգամավոր Մետաքսե Հակոբյանը։՛
Նա շնորհակալություն հայտնեց հանրահավաքի յուրաքանչյուր մասնակցին, որ ամեն ինչ թողել է մի կողմ ու հայրենիքի ցավով մտահոգ՝ Ֆրանսիայի հրապարակում է։
«Շնորհակալություն յուրաքանչյուրիդ, որ այստեղ եք, որ թողել եք ձեր հոգսերն ու եկել եք հանրահավաքի, որ ուզում եք կանգնեցնել այս պարտված իշխանության քայլերը, որ պայքարում եք։ Շնորհակալություն, որ պայքարում եք ոչ միան ձեր, այլև բազմահազար արցախցիների համար, այն արցախցիների, որոնք շարունակում են ապրել Արցախում ու ձեզ հետ են կապել իրենց հույսը։
Մենք ապրելու ենք առանց Նիկոլ Հայաստանում։
Արցախը եղել է և լինելու է հայկական։ Այսօր ես այստեղ եմ, որպեսզի կանգնեմ ձեր կողքին։ Հայաստանն ու Արցախը մեր բոլորի հայրենիքն է։
Մենք այս խամաճիկ իշխանություններին պետք է ցույց տանք, որ Արցախն ու Հայաստանը մեկ են, մեկ հոգի ու մեկ շունչ են։ Թող չփորձեն մեզ վախեցնել պատերազմով, մենք պայքարելու ենք, որովհետև միասնական ենք ու հաղթելու ենք։»,- իր ելույթում նշեց Մետաքսե Հակոբյանը։
