Արմեն Չարչյանին կալանավորելու առիթով
Իշխանությունը, ի դեմս իրավապահ մարմինների, Մայր Աթոռ Սուրբ Էջմիածնի «Իզմիրլյան» բժշկական կենտրոնի տնօրեն, պրոֆեսոր Արմեն Չարչյանի կալանավորման որոշում է կայացրելՙ մեղադրանք առաջադրելով քրեական օրենսգրքիՙ ընտրողներին կաշառք տալու, ընտրությունների ժամանակ բարեգործության արգելքը խախտելու կամ ընտրողի ազատ կամքի իրականացմանը խոչընդոտելու հոդվածով: Չարչյանն առաջադրված մեղադրանքը չի ընդունում, իսկ ահա Մայր Աթոռ Սուրբ Էջմիածնիՙ այդ առթիվ տարածած հայտարարության մեջ ասվում է. «Անվանի բժշկին առաջադրված մեղադրանքները մեծապես տարակուսելի են, եւ կալանավորման կայացված որոշումըՙ խիստ անհամաչափ, ինչի մասին փաստում են բազմաթիվ հեղինակավոր իրավագետներ: Ստեղծված իրավիճակում բժշկի նկատմամբ իրականացված գործողությունները առերեւույթ դժվար է բնութագրել այլ կերպ, քան հալածանք եւ անհիմն հետապնդում», նշված է Մայր Աթոռի հայտարարության մեջ, միաժամանակ հիշեցնելով հազարավոր կյանքեր փրկելուն նվիրված Արմեն Չարչյանի գործունեությունը եւ կոչելով քրեական գործի նախաքննությունն իրականացնել առանց բժիշկ Չաչյանին մեկուսացնլու:
