Ստամբուլի Բաքըրքյոյ թաղամասում հայազգի հայտնի ինժեներ Հովհաննես Տատյանի անունով փողոցը Ստամբուլի քաղաքապետարանը կրկին փոխել է: 2008 թվականից Բաքըրքյոյի քաղաքապետարանը փողոցը անվանակոչում է Տատյանի անունով, սակայն որոշ ժամանակ անց Ստամբուլի քաղաքային խորհուրդը կրկին հետ է փոխում անունը, փոխանցում է news.am-ը:
Բաքրքյոյի բնակիչները շեշտում են, որ իրենք կողմ են, որ փողոցը կոչվի Տատյանի անունով, քանի որ նա Օսմանյան կայսրության հայտնի ինժեներ էր ու երկրի համար շատ բան է արել:
Հովհանես Տատյանը (Տատյան փաշա) ծնվել է 1799 թվականին: Նա երիտասարդ տարիքից զբաղվել է վառոդագործությամբ եւ դարձել հայտնի ինժեներ: Նա Օսմանյան բանակում կարեւոր պաշտոններ է զբաղեցրել: Կառուցել է Սուրբ Աստվածածին եկեղեցին եւ Տատյան դպրոցը, որոնք մինչեւ հիմա կան հենց Տատյան փողոցում, որը Ստամբուլի քաղաքապետարանն անընդհատ փոխում է:
