«Ազգ»ի գրադարանը հարստացավ եւս 2 գրքով՝ նույն հեղինակի մակագրությամբ ստացված՝ «Անավարտ զրույցներ» եւ «Իմ արտիստը» վերնագրերով: Առաջինը՝ հեղինակի՝ ռադիոյում ու հեռուստատեսությունում երկարամյա վաստակ ունեցող լրագրող Հովհաննես Պապիկյանի հարցազրույցների, նկարահանումների ընթացքում ունեցած զրույցների ու տարբեր հանդիպումներից հավաքած տպավորությունների ամփոփումն է, իսկ երկրորդը՝ իր եւ բոլորիս սիրելի, անկրկնելի Ֆրունզիկի՝ Մհեր Մկրտչյանի հետ հեղինակի ունեցած զրույցների, տպավորությունների եւ ակնարկների հատընտիր ժողովածուն:
«Իմ արտիստը» ժողովածուն տպագրվել է 2021 թ., Երեւանում, 179 էջ ծավալով, իսկ «Անավարտ զրույցներ-2»ը լույս է տեսել ընթացիկ տարում, 323 էջ ծավալով, հանդիպումների հերոսների լուսանկարներով:
