Թանկ է յուրաքանչյուրի կյանքը

Մեր երկրում ճանապարհային երթեւեկության կանոնների խախտման եւ այլ պատճառների հետեւանքով տարեկան զոհվում են ավելի քան 300 եւ մարմնական վնասվածքներ են ստանում հազարավոր մարդիկ։ Վթարները հիմնականում տեղի են ունենում արագության գերազանցման, ղեկին ոգելից խմիչքի օգտագործած լինելու, ճանապարհների վատ վիճակի պատճառով։

Առաջարկում եմ ճանապարհներին տեղադրված երթեւեկության նշանների մեջ ներառել նաեւ ձմեռային եւ ամառային ժամանակահատվածի համար արագության սահմանափակումներ։ Ձմեռային ամիսներին հատկապես լեռնային բնակավայրերում ավտոմեքենայի 60կմ/ժ արագություն զարգացնելը  գործնականում շատ վտանգավոր է եւ անթույլատրելի։ Անհրաժեշտ է առողջական խնդիրներ ունեցող, ինչպես նաեւ տարեց մարդկանց շրջանում տանել համապատասխան աշխատանքՙ վարորդական իրավունքի վկայականները ինքնակամ հանձնելու համար։ Խրախուսել նրանց նյութական եւ այլ հնարավոր ձեւերով։

Ավտոմայրուղիների շատ տեղերում պարտադիր կարգով տեղադրել բետոնյա պատնեշներ, որոնք հնարավորություն կտան խուսափելու կամ մեղմացնելու հնարավոր վթարները։

Բարձրացնել վարորդական վկայականներ տվող կազմակերպությունների դերը։ Ուսումնասիրել միջազգային փորձը։ Մշակել համալիր ծրագիր։Խրախուսել խնդրի լավացման առաջարկները։

ՍՏԵՓԱՆ ՊԱՊԻԿՅԱՆ

Հայկական էներգետիկական ակադեմիայի հիմնադիր նախագահ,Տեխնիկական գիտությունների թեկնածու