Չեչնիայի Անվտանգության խորհրդի քարտուղար է նշանակվել Կադիրովի 17-ամյա որդին
Չեչնիայի առաջնորդ Ռամզան Կադիրովի որդին՝ 17-ամյա Ադամ Կադիրովը, հավանաբար, նոր բարձր պաշտոն է ստացել՝ հանրապետության Անվտանգության խորհրդի քարտուղար։ «Агентство»-ն ուշադրություն է հրավիրել սրա վրա՝ նշելով, որ Անվտանգության հանրապետական խորհուրդը եւ չեչենական պաշտոնական լրատվամիջոցները սկսել են Ադամին հիշատակել հենց այդ կարգավիճակում։ «Չեչնիայի Հանրապետության Անվտանգության խորհրդի քարտուղար Ադամ Կադիրովի հրամանի կատարման շրջանակում նրա տեղակալներ Ասլան Ժուլագովը եւ Սալամբեկ Աբդռաշիտովը եւս մեկ աշխատանքային հանդիպում են անցկացրել ՌԴ ԱԻՆ Չեչնիայի Հանրապետության գլխավոր տնօրինության ղեկավարի առաջին տեղակալ Ռիզվան Զալաեւի հետ»,- ԱԽ հաղորդագրությունը մեջբերել է պարբերականը։ Այդ տեքստը գրեթե բառացի վերատպվել է Չեչնիայի կառավարության կողմից հիմնադրված «Грозный-Информ» եւ «Чечня Сегодня», պետական լրատվամիջոցների կողմից։ Ավելի վաղ Անվտանգության խորհրդի քարտուղարի պաշտոնը զբաղեցնում էր հանրապետության ղեկավարի…
