Հայաստան-Թուրքիա հարաբերությունների կարգավորման գործընթացի շրջանակում առաջիկա օրերին Հայաստանում նախատեսվում է հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումը. հայտնում է ՀՀ ԱԳՆ մամուլի խոսնակ Անի Բադալյանը։
Ինչպես արդեն հայտնել ենք, Թուրքական NTV հեռուստաալիքը հաղորդել է, որ Թուրքիան և Հայաստանը առաջին անգամ հանդիպում կանցկացնեն պատվիրակությունների մակարդակով։
Հանդիպումը նախատեսվում է անցկացնել հաջորդ շաբաթվա սկզբին։ Դիվանագիտական աղբյուրներից ստացված տեղեկությունների համաձայն՝ դեսպան Սերդար Քըլըչի գլխավորած պատվիրակությունը Հայաստան կժամանի Ալիջանի սահմանային անցակետով. հայտնում է թուրքական հեռուստաընկերությունը։
Պատվիրակությունների առաջին հանդիպմանը նախատեսվում է որոշումներ կայացնել Թուրքիայի և Հայաստանի միջև երկկողմ հարաբերությունների կարգավորման վերաբերյալ, ինչպես նաև քննարկել նախկինում ընդունված որոշումների կատարման ընթացքը։
Կարդացեք նաև՝ Հայաստանն ու Թուրքիան հանդիպում կանցկացնեն. Քըլըչի գլխավորած թուրքական պատվիրակությունը հաջորդ շաբաթ կայցելի Հայաստան
