Թուրքիայի և Հայաստանի միջև հարաբերություններում սկսվում է ևս մեկ կարևոր փուլ։
Թուրքական NTV հեռուստաալիքը հայտնել է, որ Թուրքիան և Հայաստանը առաջին անգամ հանդիպում կանցկացնեն պատվիրակությունների մակարդակով։
Հանդիպումը նախատեսվում է անցկացնել հաջորդ շաբաթվա սկզբին։ Դիվանագիտական աղբյուրներից ստացված տեղեկությունների համաձայն՝ դեսպան Սերդար Քըլըչի գլխավորած պատվիրակությունը Հայաստան կժամանի Ալիջանի սահմանային անցակետով. հայտնում է թուրքական հեռուստաընկերությունը։
Պատվիրակությունների առաջին հանդիպմանը նախատեսվում է որոշումներ կայացնել Թուրքիայի և Հայաստանի միջև երկկողմ հարաբերությունների կարգավորման վերաբերյալ, ինչպես նաև քննարկել նախկինում ընդունված որոշումների կատարման ընթացքը։
Վերջին տարիների նախորդ հինգ հանդիպումների ընթացքում որոշումներ են կայացվել բեռնափոխադրումների, օդային երթևեկության վերականգնման, ինչպես նաև սահմանների բացման տեխնիկական և ենթակառուցվածքային աշխատանքների վերաբերյալ։
Համաձայնություն է ձեռք բերվել նաև դիվանագիտական անձնագրեր ունեցողների համար վիզայի ստացման ընթացակարգերը պարզեցնելու և երրորդ երկրների քաղաքացիներին Թուրքիայի և Հայաստանի միջև սահմանը հատելու թույլտվություն տրամադրելու վերաբերյալ։ Սակայն այս որոշումը դեռևս չի իրականացվել։
«Այցը հատկապես կարևոր է, քանի որ այն տեղի կունենա ԱՄՆ-ի, Հայաստանի և Ադրբեջանի միջև Զանգեզուրի միջանցքի համաձայնագրի ստորագրումից հետո»,-հաղորդել է թուրքական լրատվամիջոցը։
