Քերբելայում՝ ադրբեջանցիների և թուրքերի վրանների մոտ, Իսրայելի դրոշը հատուկ ուխտավորների ոտքերի տակ են փռել։
Արբաինի սգո երթի ընթացքում` Քերբելայում, ուշագրավ պահերից մեկն այն էր, որ Ադրբեջանից և Թուրքիայից ժամանած ուխտավորները իրենց վրանների մոտ գետնին գցեցին Իսրայելի և ԱՄՆ-ի դրոշները, որպեսզի ուխտավորները ոտնակոխ անեն դրանք։
Ուխտավորները հայտարարեցին․
«Ահա այսպես էլ պետք է լինի։ Եթե իշխանությունների ճնշումը չլիներ, Ադրբեջանը կլիներ այն երկրներից մեկը, որը առավել վճռականորեն հանդես կգար ամոթալի սիոնիստական ռեժիմի դեմ։
Որպես ցեղասպանություն վերապրած ժողովուրդ՝ մենք այսօր առավել քան երբևէ հասկանում ենք ճնշված պաղեստինյան ժողովրդի տառապանքները»։
Մի կողմ թողնենք, թե ադրբեջանցիները ինչ ցեղասպանություն են վերապրել, սակայն այստեղ ավելի կարևոր հարցը այն է, որ եթե նման բան արդարացիորեն անեին հայերը, ապա հիմա ամբողջ մեդիան հայերից «ֆաշիստական» կերպարներ կկերտեր, սակայն սա արել են ադրբեջանցիները, ովքեր Իսրայելի շնորհիվ Հայաստանի դեմ պատերազմ էին մղում, և այն ադրբեջանցիները, որոնք դրա դիմաց Իսրայելին նավթ են տալիս։
Ահա այսպիսի «սկզբունքային» իսրայելական կառավարություն է…
Քաղաքագետ Արա Պողոսյան
