Նիկոլ Փաշինյանը հոկտեմբերի 31-ին Հայաստանից իր հետ Սոչի է տարել բավականին մեծ պատվիրակություն՝ կազմված 17 հոգուց։
Սոչիի հանդիպումների լուսանկարներում էլ են երևում փոխվարչապետ Մհեր Գրիգորյանը, Արտաքին գործերի նախարար Արարատ Միրզոյանը, Անվտանգության խորհրդի քարտուղար Արմեն Գրիգորյանը։
Գրեթե նույն կազմով Փաշինյանը մեկնել է Թեհրան։
Այն, որ հայաստանյան պատվիրակությունները ակնառու մեծ կազմով են մեկնում գործուղումների, քաղաքական ու հասարակական հարթակներում դժգոհության տեղիք է տալիս։ Այդ առնչությամբ վարչապետի աշխատակազմի ղեկավար Արայիկ Հարությունյանն այսօր հայտարարել է, որ պետբյուջեից գործուղումներին ավելի շատ գումար է հատկացվելու, որովհետեև «եթե այսօր տեղի ունեցող դիվանագիտական գործընթացները համեմատենք նախորդ տարիների հետ, կտեսնենք, որ դրանք բավականին ինտենսիվ են, և չի բացառվում, որ ծախսերի ավելացում կունենանք»։
