Մարտի 1-ից 470 անվանում դեղեր դուրս են գրվելու բացառապես էելկտրոնային եղանակով:
«Էլեկտրոնային ղեղատոմսը մեզ հնարավորություն է տալիս տեսնել հետագծելիությունը, թույլ է տալիս ստուգել դեղատոմս դուրս գրողի եւ դեղատան կապը: Մենք տեսնելու ենք, թե դեղն ով է դուրս գրել եւ որտեղից է դեղը վերցրել, եւ եթե անկանոնություններ նկատվեn: Նաեւ օբյեկտիվ խնդիրներ կան, օրինակ, բժիշկներ կան, որ ասում են՝ ես համոզված եմ այս դեղի ազդեցության վրա, որովհետեւ իմ պրակտիկան բերել է դրան»,-կառավարության այսօրվա ասաց Նիկոլ Փաշինյանը։
Փաշինյանի ենթակաները թեման զարգացրին՝ յուրաքանչյուրը գովաբանելով, թե նոր որոշման արդյունքում ինչ է սպասվում հանրությանը։
Փոխվարչապետ Տիգրան Խաչատրյանը նկատեց. «Մենք մի քայլ ավել ենք գնացել. ոչ թե դեղի անունն է գրվելու, այլ դեղանյութի: Եվ եթե այդպես է, ապա առհասարակ բժիշկը չի կարող ուղղորդել: Արդեն գնորդն է որոշում՝ դեղանյութ պարունակող համապատասխան ակտիվության դեղը ինչ անուն ունենա կամ որ արտադրողի կողմից լինի»:
Առողջապահության փոխնախարար Արտակ Ջումայանն ասաց. «Դեղը դուրս է գրվելու ազդող նյութով, ոչ թե դեղի անվանումով: Քանի որ տվյալ ազդող նյութով կարող են 5-10 անվանումներով լինեն, բուժառուն հնարավորություն ունի ընտրելու, թե որն է ուզում՝ ըստ մատչելիության: Էլեկտրոնային դեղատոմսի դեպքում դեղատան աշխատակիցը չի կարող դոզայի կամ քանակի փոփոխություն կատարել, որն այսօր, ցավոք, նկատում ենք: Այստեղ մենք խզել ենք նաեւ կապը բժշկի հետ, որ չլինեն այդ ուղղորդումները»:
Այս նորամուծությունը կատարվելու է «Արմեդ» համակարգով, իսկ դրա համար ամեն ինչ պատրաստ է:
Փոխվարչապետ Մհեր Գրիգորյանն էլ նշեց. «Այստեղ շատ կարեւոր եւս մեկ հարց է լուծվում, երբ դեղատոմսը կապվում է իմ հիվանդության պատմության հետ: Եթե իմ անունով դուրս գրվեց ինչ-որ մի դեղ, որը կապ չունի իմ հիվանդության սիմպտոմատիկայի հետ, դա ահազանգ է»:
