Քնի կանոնավոր գրաֆիկ։ Ավելի լավ է ամեն օր, ներառյալ հանգստյան օրերը, պառկել քնելու և արթնանալ նույն ժամին: Այս կերպ դուք հարմարեցնում եք ձեր կենսաբանական ժամացույցը օպտիմալ ռեժիմին:
Սկզբի մի քանի օրերին զարթուցիչը դրեք նույն ժամի վրա, հետո զարթուցիչի կարիք չեք էլ զգա, ինքներդ կարթնանաք նույն ժամին, ինչը կզարմացնի ձեզ։ Դուք ձեզնից գոհ կմնաք։
Հարմարավետ քնելու միջավայր։ Ննջասենյակը պետք է լինի մութ, հանգիստ և զով: Ուշադրություն դարձրեք անկողնային պարագաների որակին՝ բարձը պետք է լինի հարմարավետ, իսկ վերմակը՝ բավականաչափ ծանր։
Ճիշտ սնունդ։ Քնելուց մի քանի ժամ առաջ խուսափեք ծանր ուտելիքներից, կոֆեինից և ալկոհոլից: Դիետոլոգները խորհուրդ են տալիս սպիտակուցներով և բարդ ածխաջրերով հարուստ ընթրիք ունենալ՝ քնի որակը բարելավելու համար։
Երեկոյան «արարողակարգ»։ Քնելուց առաջ գիրք կարդացեք, տաք լոգանք ընդունեք կամ մեդիտացիա արեք: Սա կօգնի ձեր մարմնին ազդանշան տալ, որ հանգստի ժամանակը մոտենում է:
Ֆիզիկական ակտիվություն։ Կանոնավոր վարժությունները բարելավում են քնի որակը, սակայն երեկոյան ինտենսիվ մարզումներից կարող եք ձեզ չափից ավելի կազդուրված զգալ, ինչը ձեր քունը կփախցնի։
Վաղ արթնանալու սովորությունը ոչ միայն ֆիզիկական վիճակի բարելավման միջոց է, այլ նաև լրացուցիչ ժամեր ստանալու հնարավորություն, որն էներգիա է տալիս ձեզ ամբողջ օրվա ընթացքում։
Ժողովրդական առածն ասում է՝ Աստված տալիս է նրան, ով շուտ է արթնանում։
